ՔԵՍԱՊ -Աստղիկ Դանիէլեան

NOVEMBER 24, 2018

ԱՇԱԿԵՐՏԱԿԱՆ

Հայրենիքի մը նման,

Իմ պապերուն բնօրրան,

Դուն իմ պատիւ, իմ պարծանք,

Պապենական սէգ ժառանգ:

Բնութիւնդ աննման,

Դրախտ մըն է անթառամ,

Աղբիւրներդ  միշտ զուլալ,

Կը կարկաչեն անդադար,

Լեռներդ են երկնահաս,

Պարիսպի պէս կուռ, անհաս:

Պատմութիւնդ ահռելի

Կրկնուեր է ցաւալի:

Որդիներդ քաջարի,

Պահեր են քեզ, որ ապրիս,

Սուրբ գիրովը Մեսրոպի:

Կը պահենք քեզ հարազատ,

Կը պահենք քեզ անաղարտ,

Դուն փոքրիկ իմ Հայաստան,

Մնաս հպարտ, անսասան:

 

Աստղիկ Դանիէլեան        
                                                                    (Ժ. Կարգ)                                                                                           Քեսապի Ազգ. Ուսումնասիրաց Միացեալ Ճեմարան

Արտատպուած՝ Նոյեմբեր 24, 2018